Səyahət Edərək İşləmək İstəyən Sahibkarlara Tövsiyyələr
Bu yazıda səyahət edərək işləmək istəyən sahibkarlara tövsiyyələrə yer verdik.
Mündəricat
Səyahətlə tətil eyni şey deyil
Bir yerə bağlı qalmayan həyat tərzini mənimsəyən “rəqəmsal köçərilər” icması var. Biz etdiklərimizə həvəsli olan və dünyanı araşdıran hər cür insanlarıq; proqram tərtibatçıları, dizaynerlər, yazıçılar, jurnalistlər, mühəndislər və s.
Düşünürəm ki, köçəri həyat tərzi əsl şirkət qurmağın ən məhsuldar yoludur. Mən iddialı bir şirkət üçün çox işləyirəm. Səyahət edirəm, çünki bir yerdə yaşamaqdan daha ucuz, daha səmərəli və daha ruhlandırıcıdır. Səyahət etmək şirkətimin gələcəyi, maliyyə vəziyyəti və şəxsi inkişafım üçün ən məqbul seçimdir.
Təsadüfən köçəri oldum
Üç il əvvəl mən Microsoft-dakı işimi tərk etməyi və yeni biznes qurmaq üçün San-Fransiskoya köçməyi düşünürdüm. Bir dostum məndən soruşdu: “Kompüterinizlə istənilən yerdən işləyə bildiyiniz halda niyə San-Fransiskoya köçürsünüz?” Onun sualı çox mənalı idi. Bu haqda düşündükcə, müasir dünyamızda heç bir mənası olmayan normal həyatı şübhə altına almağa başladım.
9-5 işləməyi rədd etdim. Binanın içində işləmək və növbəti tətilimi düşünməkdənsə dünyanı araşdırmaq istəyirdim.
Mən məskunlaşmaq fikrini rədd etdim. Evimin yerləşdiyi məhəllədə ilişib qalmaqdansa, yeni mədəniyyətlər kəşf etmək və yeni yeməklər dadmaq istəyirdim.
Mən əşya fikrini rədd etdim. Mənim televizorumun ölçüsünün fərqi yox idi. Dünya mənim evimdəki əşyalardan daha maraqlı idi.
Darıxmaq fikrini rədd etdim. Daim yeni yerlər, insanlar və təcrübələrlə əhatə olunmuşdum. Səyahət etməyə başlayandan bəri heç darıxmadım və artıq televizora baxmaq, oyun oynamaq istəmirdim.
Görüləcək işlər siyahısı fikrini rədd etdim. Görməli olduğum çox şey var və onları həqiqətən edirəm.
Beynimdə yeni və çılğın fikirlərləyola düşdüm. Altı ay Avstraliya, Asiya və Avropanı gəzdim, lakin gözlədiyim nəticəni ala bilmədim.
Mən fikrimi dəyişdim və San Fransiskoya köçdüm. Səyahət etmək əyləncəli idi, amma mənim əla ideyam var idi və həqiqətən də buna diqqət yetirməli və işi bitirməliydim. İşimi başlamaq üçün Silikon Vadisindən daha yaxşı bir yer tapa bilərəmmi?
Ancaq tezliklə özümü yavaşlamış və narahat hiss etməyə başladım. Çox tez darıxırdım, diqqətim dağılır, çox televizora baxırdım. Gündə 12 saatı kompüterdə keçirirdim, amma kifayət qədər məhsuldar olduğumu hiss etmirdim.
Biz Nyu Yorka gedəndə dostlarım işə gedirdilər. Mən də işləyirdim, qəhvəxanalara və Mərkəzi Parka gedirdim. Birdən-birə kifayət qədər məhsuldar oldum, gündə 12 saat etdiyimi cəmi altı saat ərzində etdim. Eyni şey bir neçə ay sonra Londona gedəndə də başıma gəldi. Mən daha yaxşı ideyalarla qayıdırdım, çünki yeni təcrübələr və məni əhatə edən yeni mədəniyyətlər beynimi canlı saxlayırdı.
Bunu dərk edəndən bir il sonra San-Fransiskodan ayrıldım və özümü tamamilə köçəri həyat tərzinə həsr etdim. Mən xoşbəxt, məhsuldar idim, yeni insanlarla tanış oldum, real qlobal problemlərin həlli yollarını öyrəndim və yeni layihələrimi həyata keçirə bildim.
Səyahət məni daha məhsuldar edir
Səyahət etməyə ilk dəfə başlayanda mən əla turist idim, hər şeyin şəklini çəkirdim və bələdçilərin siyahılarında olan hər şeyi edirdim. Bir neçə yorucu həftədən sonra başa düşdüm ki, tətildə deyiləm. Bu, indi mənim həyatım idi. Yavaşladım və başa düşdüm ki, əgər yeni bir şəhəri araşdırmaq üçün bir ayım varsa, bunun hamısını birdən etməli deyiləm. Mən hər gün bir neçə saatlıq şəhəri gəzə və hələ də çox iş görə bilərdim.
Səyahət zamanı əhəmiyyətli dərəcədə daha məhsuldar olduğumu görəndə çox təəccübləndim. Amma məntiqli idi. Əgər mən Romada cəmi bir həftə olacağamsa, niyə vaxtımı Facebook-da itirim? Daim yeni şeylərin əhatəsində olmaq məni daha az cansıxıcı və diqqətli hiss etdirdi, hətta məni daha sağlam və məhsuldar etdi.
Səyahət etmək dünya görüşümü artırır
İndi dünyada həyat təcrübələri mənimkindən çox fərqli olan çoxlu dostlarım var. Onlar mənim fikirlərimə yeni perspektivlər əlavə edirlər. Qlobal miqyasda dünyaya təsir edən real problemləri öyrənirəm ki, bu da məni gələcəkdə daha uğurlu sahibkar edəcək.
Nə isə öyrənəcəyiniz insanları tapmaq asan deyil. Rəqəmsal köçərilərin dünyadakı həmyaşıdları ilə görüşə və tərəfdaşlar tapa biləcəyi bəzi sahələr var. Köçərilər Reddit və Nomad Forumda bir-birinə səyahət və biznes məsləhətləri verirlər. Hashtagnomads.com çat saytında da minlərlə insanımız var və icmamız bütün dünyada görüşlər təşkil edir.
Nəticə
Köçəri kimi işləmək və yaşamaq heç vaxt asan deyil, lakin səyahət etmək evdə qalmaqdan daha ucuz, daha məhsuldar və daha ruhlandırıcıdır. Ofisdə işləmək indi keçmişin yadigarıdır.
Rəqəmsal köçəri inqilabı yalnız başlanğıcdır və mən bunun bir hissəsi olduğum üçün çox şadam. Ümid edirəm ki, siz və mən nə vaxtsa, haradasa görüşəcəyik.
